Heimildarkvikmyndin
“Brúarjökull og innrásirnar í Ísland”

Hún fjallar um frábært flugvallarstæði rétt norðan við Brúarjökul, sem þýskur prófessor merkti árið 1938 og hefði getað komiðað góðum notum fyrir Luftwaffe í tengslum við magnaða áætlun Þjóðverja um innrás í Ísland 1940.

Flugvöllurinn þarna er álíka stór og Reykjavíkurflugvöllur

Prófessorinn, sem var kona, gerði sér fyrst allra grein fyrir einstæðu eðli Brúarjökuls og hinum mögnuðu náttúrumyndunum, sem jökullinn hefur búið til, allt frá jöklinum til sjávar, og menn eru fyrst nú farnir að gera sér grein fyrir.

Forsenda innrásar Þjóðverja var tilvist nothæfs flugvallar en innrásin hefði getað breytt gangi heimsstyrjaldarinnar síðari og orðið ekki síður afdrifarík fyrir Íslendinga.

Stærð flugvallarins sést vel við stærð skuggans af TF-FRÚ

Í myndinni er rakin nákvæmlega frá hernaðartæknilegu sjónarmiði sú reyfara- kennda atburðarás, sem hefði getað orðið með notkun þessa flugvallarstæðis.

Kvikmyndatökur fyrir þessa mynd hafa verið í gangi sumrin 2005 og 2006 á svæðinu í næsta nágrenni Brúarjökuls og nú á útmánuðum hafa verið farnar mynda- tökuferðir til Englands, Normandy í Frakk- landi, Berlínar og Moskvu og Demyansk í Rússlandi.

Í myndinni er leitað skýringa á því hvers vegna ekkert varð af þessari innrás.